Sorry, you need to enable JavaScript to visit this website.
منگل ، 08 جولائی ، 2025 | Tuesday , July   08, 2025
منگل ، 08 جولائی ، 2025 | Tuesday , July   08, 2025
تازہ ترین

سعودی ولی عہد سے امیر کویت اور عراقی وزیراعظم کی ملاقات

0 seconds of 24 secondsVolume 90%
Press shift question mark to access a list of keyboard shortcuts
00:00
00:24
00:24
 
سعودی ولی عہد و وزیر اعظم  شہزادہ محمد بن سلمان سے اتوار کو ریاض میں امیر کویت شیخ مشعل الاحمد الجابر الصباح اور عراقی وزیر اعظم محمد شیعہ السوڈانی نے ملاقات کی ہے۔
سرکاری خبر رساں ایجنسی ایس پی اے کے مطابق ولی عہد اور امیر کویت کی ملاقات میں برادرانہ تعلقات کے پہلووں اور مختلف شعبوں میں انہیں بڑھانے اور ترقی کے مواقع کا جائزہ لیا گیا۔
عالمی اقتصادی فورم کے خصوصی اجلاس کے موقع پر ہونے والی ملاقات میں علاقائی اور بین الاقوامی امور اور اس حوالے سے کی جانے والی کوششوں پر بھی تبادلہ خیال کیا گیا۔
سعودی وزیر توانائی شہزادہ عبدالعزیز بن سلمان، وزیر خارجہ شہزادہ فیصل بن فرحان، وزیر مملکت وکابینہ کے رکن اور قومی سلامتی کے مشیر ڈاکٹر مساعد بن محمد العیبان اور پبلک انویسٹمنٹ فنڈ کے گورنر یاسر الرمیان بھی موجود تھے۔
علاوہ ازیں ولی عہد اور عراقی وزیر اعظم محمد شیعہ السوڈانی کی ملاقات میں دوطرفہ تعلقات اور انہیں فروغ دینے کے طریقوں کا جائزہ اور مشترکہ دلچسپی کے امور پر تبادلہ خیال کیا گیا۔

شیئر: