شیفون اور کریپ سے تیار ملبوسات میں چمکدار دھات کا استعمال کیا گیا ہے۔ فوٹو انسٹاگرام
لبنانی فیشن ڈیزائنر نے مملکت کے تاریخی علاقے العلا میں معروف عرب فیشن ماڈلز کے ساتھ اپنے منفرد اور جدید فیشن کے ملبوسات کی نمائش کی ہے۔
عرب نیوز کے مطابق فیشن ڈیزائنر رامی کدی نے رواں سال موسم گرما / بہار کے ڈیزائنز میں ہر ایک کے لیے کچھ نیا پیش کیا ہے۔
خوبصورت رنگوں کے ملبوسات پر موتی اور ستاروں کا کام ہے۔ فوٹو انسٹاگرام
ان ملبوسات میں ہارٹر گاؤن اور پلنگنگ وی کے سائز کے لباس سے لے کر کندھے سے باہر کے سٹائل، سٹریپ لیس ڈیزائنز اور بہت کچھ شامل ہے۔
شیفون اور کریپ کے کپڑے سے تیار کیے گئے ملبوسات میں خوبصورت اور چمکدار دھات کا استعمال کیا گیا ہے جب کہ ساٹن کے پارچہ جات پر منفرد اور دیدہ زیب ڈیزائن بھی پیش کئے گئے ہیں۔
العلا میں ہونے والا فیشن شو العلا مومنٹ کےتعاون سے پیش کیا گیا۔ فوٹو انسٹاگرام
مجموعہ میں گلابی، نیلے، سبز، جامنی اور دیگر خوبصورت رنگوں سے مزین ان ملبوسات پر براؤن، سلور اور گولڈ کلرز میں موتی اور ستاروں کا کام ہے۔
العلا میں ہونے والا یہ فیشن شو العلا مومنٹ کے تعاون سے پیش کیا گیا جس میں لبنانی سپر سٹار نجوہ کرم، سعودی ایکٹرس میلا الزہرانی، تیونسی اداکارہ ڈورا زاروق اور فیشن کی دنیا سے وابستہ معروف خواتین نجود الرمیحی اور لما العقیل نے شرکت کی۔
