پاکستان میں پیٹرولیم مصنوعات کی قیمتوں میں ایک بار پھر اضافہ ہو گیا ہے۔
پیر اور منگل کی درمیانی رات کو وزارت خزانہ کی جانب سے جاری ہونے والے نوٹیفکیشن کے مطابق عالمی سطح پر تیل کی قیمتوں میں اضافے کے رحجان کے بعد آئل اینڈ گیس ریگولیٹری اتھارٹی (اوگرا) کی تجویز پر پیٹرول کی قیمت میں چار روپے 53 پیسے اور ڈیزل کی قیمت میں آٹھ روپے 14 پیسے کا اضافہ کر دیا گیا ہے۔
قیمتوں میں اضافے کے بعد پیٹرول کی نئی قیمت 293 روپے 94 پیسے اور ڈیزل کی نئی قیمت 290 روپے 38 پیسے ہو گئی ہے۔
نئی قیمتوں کا اطلاق 16 اپریل سے ہو گا۔
