Sorry, you need to enable JavaScript to visit this website.
پیر ، 09 جون ، 2025 | Monday , June   09, 2025
پیر ، 09 جون ، 2025 | Monday , June   09, 2025

جو بائیڈن کی دعوت پر عراقی وزیراعظم سرکاری دورے پر واشنگٹن پہنچ گئے

واشنگٹن اور بغداد کے درمیان اقتصادی تعاون پر زور دیا جائے گا۔ فائل فوٹو اے ایف پی
عراق کے وزیراعظم محمد شیاع السودانی اتوار کو امریکی صدر جو بائیڈن کی دعوت پر سرکاری دورے پر واشنگٹن پہنچے ہیں۔
عرب نیوز کے مطابق وزیراعظم محمد شیاع  کے دورے کے موقع پر ہونے والی بات چیت میں امریکہ اور عراق کے درمیان  باہمی تعاون، سکیورٹی و دفاعی شراکت داری اور اقتصادی تعلقات کے مختلف پہلو شامل ہوں گے۔
عراق میں امریکی زیر قیادت فوجی اتحاد کے مستقبل کے بارے میں ہونے والے مذاکرات میں واشنگٹن اور بغداد کے درمیان اقتصادی تعاون پر زور دیا جائے گا۔
عراقی وزیراعظم کا یہ دورہ اقتصادی تعاون کو تقویت دینے اور امریکہ اور عراق کے درمیان دیرینہ تعلقات کو مزید مضبوط بنانے کا اہم موقع ہے۔

شیئر: