سعودی عرب میں پیر کو سونے کے نرخ کیا رہے؟

سعودی گولڈ مارکیٹ میں پیر 8 اپریل 2024 کو کاروبار کے آغاز پر سونے کے نرخوں میں اضافہ ریکارڈ کیا گیا ہے۔

عاجل ویب کے مطابق مملکت میں سب سے زیادہ فروخت ہونے والے 21 قیراط ایک گرام سونے کی قیمت 246.61 ریال رہی۔

اتوار کو کاروبار کے اختتام  پر21 قیراط ایک گرام سونے کے نرخ 245.83 ریال ریکارڈ کیے گئے تھے۔

24 قیراط ایک گرام سونے کی قیمت 281.84 ریال، 22 قیراط ایک گرام 258.35 اور18 قیراط 207.14 ریال رہی ہے۔

مملکت میں ایک کلو گرام سونا 283,813 ریال میں دستیاب رہا۔