سعودی خاتون جنہوں نے گھر کا ایک حصہ افطار کی تیاری کے لیے مختص کیا ہوا ہے

سعودی عرب کے قصیم ریجن میں الرس گورنریٹ کی رہائشی خاتون نے اپنے گھر کا ایک حصہ روزہ داروں کے لیے افطار کی تیاری کے لیے مختص کیا ہوا ہے جس سے روزانہ قریبا 1500 افراد مستفید ہوتے ہیں۔

العربیہ ٹی وی سے بات کرتے ہوئے خاتون کے بیٹے نے بتایا ’میری دادی نے 20 سال قبل یہ کام شروع کیا جے میری والدہ نے آگے بڑھایا اور گزشتہ 9 برسوں سے میں اس کی نگرانی کررہا ہوں اور مفت کھانا بنا رہا ہوں۔‘

انہوں نے مزید کہا کہ’ والدہ نے اچھے کام کرنے کا طریقہ سکھایا۔ میں نے ان سے کھانا پکانا سیکھا تھا، اس وقت ہم چکن، چاول اور فروٹ سے افطار کراتے تھے۔‘

انہوں نے کہا کہ ’والدہ کے بیمار ہونے کے بعد اب افطار کے تمام انتظامات میں خود دیکھتا ہوں‘۔