ریاض میں عوامی مقام پر جھگڑے میں ملوث 9 غیر ملکی گرفتار

سعودی دارالحکومت ریاض میں پولیس کے ادارہ کرمنل انویسٹی گیشن نے عوامی مقام پر جھگڑے میں ملوث فلپائن اور پاکستان سے تعلق رکھنے والے 9 افراد کو گرفتارکیا ہے۔

اخبار 24 کے مطابق ریاض پولیس نے بیان میں کہا کہ وائرل ویڈیو میں نظر آنے والے 9 ملزمان کو شناخت کے بعد حراست میں لیا گیا۔

تمام افراد کو پراسکیوٹر جنرل کے حوالے کردیا گیا جبکہ دیگر ملزمان کی تلاش جاری ہے۔

علاوہ ازیں پولیس سائبر قانون کی خلاف ورزی، جھگڑے کی ویڈیو بنانے اور اسے سوشل میڈیا پر پوسٹ کرنے والے شخص کو بھی تلاش کر رہی ہے۔