جدہ ایئرپورٹ پر رمضان میں پہلی پروازوں سے آنے والے عمرہ زائرین کا خیرمقدم

سعودی محکمہ پاسپورٹ نے جدہ کے کنگ عبدالعزیز ایئرپورٹ پر رمضان میں پہلی پروازوں سے آنے والے عمرہ زائرین کا خیرمقدم کیا ہے۔

سرکاری خبر رساں ایجنسی ایس پی اے کے مطابق زائرین کی مملکت آمد کےعمل کو آسانی اور روانی کے ساتھ مکمل کیا گیا۔

یاد رہے کہ محکمہ پاسپورٹ نے اس سے قبل بیان میں کہا تھا کہ رمضان کے دوران زائرین کے خیرمقدم کے لیے اپنی تیاریاں مکمل کرلیں۔

مملکت کے تمام بین الاقوامی پورٹس پر اپنے تمام ہالز میں کوالیفائیڈ عملہ اور جدید تیکنیکی ڈیوائسز جیسے دو زبانوں میں ترجمہ کرنے والی ڈیوائس اور ایک موبائل کاونٹر قائم کیا ہے۔

محکمہ پاسپورٹ نے عمرے کےلیے مملکت آمد اور روانگی تک قواعد و ضوابط اور ہدایات پر عمل کرنے کی اہمیت پر زور دیا تھا۔