شاہی ضیافت میں عمرے کےلیے چوتھے گروپ کی مدینہ منورہ آمد مکمل

شاہی ضیافت میں مختلف ممالک سے عمرہ کے لیے آنے والے مہمانوں کے چوتھے گروپ کا دوسرا قافلہ مدینہ منورہ پہنچ گیا۔

سعودی خبررساں ادارے ’ایس پی اے‘ کے مطابق وزارت اسلامی امور  کی نگرانی میں شاہی مہمانوں کے چوتھے گروپ کے آخری میں 16 ممالک کے 250 افراد جن میں ممتاز اسلامی شخصیات شامل ہیں۔ ان کا تعلق ایشیا اور یورپ کے مختلف ممالک سے ہے۔

شاہی مہمانوں کا تعلق پاکستان، بنگلہ دیشِ، انڈیا، سری لنکا، مالدیپ، نیپال، ترکیہ، نیوزی لینڈ، آسٹریلیا، ترکمانستان، کرغیزستان، کوسووا، آذربائیجان، قازقستان، تاجکستان اور روس سے ہے۔

وزارت اسلامی امور پروگرام کے مطابق شاہی مہمان مسجد نبوی اور روضہ رسول پر حاضری  کے بعد انہیں مدینہ منورہ کے مقدس مقامات، مسجد قبا، شاہ فہد قرآن کمپلیکس کا دورہ اور مسجد نبوی کے ائمہ سے  ملاقات کے بعد عمرہ کے لیے مکہ مکرمہ لے جایا جائے گا۔

شاہی مہمان مکہ مکرمہ کے تاریخی مقامات دیکھیں گے اور اس کے بعد مملکت سے روانہ ہوجائیں گے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں