ٹرمپ کے خطاب پر سعودی عرب کا اظہار اطمینان

ریاض:سعودی عرب نے قطر کے متعلق امریکی صدر ڈونلڈ ٹرمپ کے خطاب کا خیر مقدم کیا ہے جس میں انہوں نے قطر سے دہشت گردی کی امداد روکنے کا مطالبہ کیا ہے۔ سعودی اعلی عہدیدار نے اعلامیہ میں کہا ہے کہ دہشت گردی کے انسداد کی کوششیں محض آپشن نہیں بلکہ ضرورت ہے۔ اس کے تحت دہشت گردی کی مدد کرنے والے اداروں کے خلاف فوری کارروائی ضروری ہے خواہ وہ کوئی بھی ہو۔ یہی عرب، اسلامی اور امریکی سربراہ کانفرنس کا فیصلہ بھی ہے۔