مکہ اور مدینہ میں پرمٹ کے بغیر کاروبار کرنے والے 357 ہوٹل سیل
خلاف ورزی پر 10 لاکھ جرمانہ، ہوٹل کو سیل کرنا شامل ہے ( فوٹو: اخبار 24)
سعودی وزارت سیاحت نے مکہ مکرمہ اور مدینہ منورہ میں 357 ہوٹلوں اور فرنشڈ اپارٹمنٹس کو پرمٹ کے حصول سے پہلے رہائشی سہولتیں فراہم کرنے پر سیل کیا ہے۔
اخبار 24 کے مطابق وزارت سیاحت کی نگران ٹیموں نے تفتیشی مہم کے دوران خلاف ورزی کے مرتکب ہوٹلوں کے خلاف کارروائی کی ہے۔
بیان میں کہا گیا کہ نگران ٹیموں نے مکہ مکرمہ میں ساڑھے تین ہزار تفتیشی دورے کیے جس میں ایک ہزار650 خلاف ورزیاں ریکارڈ کی گئیں جبکہ 298 ہوٹلوں کو بغیر پرمٹ رہائشی سہولتیں فراہم کرنے پر سیل کیا گیا۔
دوسری جانب مدینہ منورہ میں وزارت سیاحت کی ٹیموں کی جانب سے دو ہزار200 تفتیشی دورے کیے گئے اس دوران ایک ہزار خلاف ورزیاں سامنے آئیں جبکہ 59 ہوٹلوں کو سیل کیا گیا۔
وزارت سیاحت نے انتباہ کیا کہ خلاف ورزی کی صورت میں 10 لاکھ جرمانہ، ہوٹل کو سیل کرنا یا دونوں سزاؤوں کا اطلاق کیا جاسکتا ہے۔
وزارت نے رہائشی سہولتوں کی فراہمی کے لیے مطلوبہ اجازت ناموں کے حصول پر زور دیا۔
واضح رہے کہ وزارت سیاحت کی جانب سے مقدس مقامات میں کے ہوٹلوں میں تفتیشی دورے عمرہ وزائرین کو بہترین سہولتیں فراہم کیے جانے کے حوالے سے کوششوں کا تسلسل ہے۔
دبئی میں بارہ ماہ کے دوران 26 نئے ہوٹل کھولے گئےNode ID: 831656
پرمٹ کے بغیر کاروبار، مکہ کے چار ہوٹلوں پر دگنا جرمانہ ہو گاNode ID: 831736
