ریاض سیزن کپ: رونالڈو اور میسی کا آج مقابلہ ہوگا

آج رات ٹھیک 9 بجے دنیا کی نظریں سعودی دار الحکومت ریاض کی طرف مرکوز ہوں گی جہاں کنگڈم ارینا سٹیڈیم میں رونالڈو کی قیادت میں النصر فٹبال کلب اور میسی کی قیادت میں انٹرمیامی کا مقابلہ ہوگا۔

سبق ویب سائٹ کے مطابق اس فٹبال مقابلے کو ’The Last Dance‘ کا نام دیا گیا ہے تاہم میچ میں النصر کے کپتان کریسٹیانو رونالڈو کی شرکت غیر یقینی ہے۔

توقع کی جا رہی ہے کہ سٹیڈیم شائقین سے کھچا کھچ بھرا ہوگا جس میں 20 ہزار افراد کی گنجائش ہے۔

یاد رہے کہ کنگڈم ارینا الہلال فٹبال کلب کا نیا سٹیڈیم ہے جس میں گزشتہ پیر کو پہلا میچ کھیلا گیا۔

میچ الہلال اور انٹرمیامی کے درمیان تھا جس میں الہلال نے 4/3 سے فتح حاصل کرلی۔