دوحہ... قطری وزیرخارجہ محمد بن عبدالرحمن آل ثانی نے کہا ہے کہ قطر خلیجی ہمسایوں کے ساتھ بحران حل کرنے کی خاطر بات چیت کیلئے تیار ہے۔ انہوں نے کہا کہ ہمارا ملک کوئی بڑی طاقت نہیں اور نہ ہی محاذ آرائی کے ذریعے مسائل حل کرنے میں یقین رکھتا ہے۔ قطری وزیر خارجہ نے سی این این کو انٹرویو میں کہا کہ قطر مذاکرات کی میز پر بیٹھنے کو تیار ہے۔ سفارتکاری پر یقین رکھتا ہے اور مشرق وسطیٰ میں امن کو فروغ دینے کا خواہاں ہے۔ انہوں نے یہ بھی دعویٰ کیا کہ قطر دہشتگردی کے خلاف برسر پیکار ہے۔
