طائف میں تین خواتین پر حملہ کرنے والے دو افراد گرفتار

طائف پولیس نے تین خواتین پر حملہ کرنے والے دو نوجوانوں کو گرفتار کرلیا ہے۔

سبق ویب سائٹ کے مطابق واقعے کی ویڈیو سوشل میڈیا پر وائرل ہوگئی تھی جس کی بنیاد پر کارروائی ہوئی ہے۔

طائف پولیس نے کہا ہے کہ ’وائرل ہونے والی ویڈیو کی بنا پر مذکورہ افراد کی شناخت کرکے انہیں گرفتار کیا گیا ہے‘۔

پولیس نے کہا ہے کہ ’مذکورہ افراد نے تین خواتین پر تشدد کیا اور ایک کو زخمی بھی کیا ہے‘۔

’گرفتار شدگان سے تفتیش جاری ہے اور ضابطے کی کارروائی مکمل کرنے کے بعد انہیں پبلک پراسیکیوشن کے حوالے کردیا جائے گا‘۔