پی ٹی آئی کے وائس چیئرمین شاہ محمود قریشی 15 روز کے لیے نظربند
عدالت عظمیٰ نے شاہ محمود قریشی کی 10 لاکھ روپے کے ضمانتی مچلکوں کے عوض منظور کی تھی (فائل فوٹو: اے ایف پی)
پاکستان تحریک انصاف کے وائس چیئرمین شاہ محمود قریشی کو 15 روز کے لیے نظربند کر دیا گیا ہے۔
منگل کو ڈپٹی کمشنر راولپنڈی نے ان کی نظربندی کا آرڈر جاری کیا۔
ڈی سی راولپنڈی نے شاہ محمود قریشی کی 15 روزہ نظربندی کے احکامات جاری کیے۔
خیال رہے کہ سپریم کورٹ نے 22 دسمبر کو سائفر کیس میں سابق وزیراعظم عمران خان اور سابق وزیر خارجہ شاہ محمود قریشی کی ضمانت منظور کی تھی۔
عدالت عظمیٰ نے عمران خان اور شاہ محمود قریشی کی ضمانت 10، 10 لاکھ روپے کے ضمانتی مچلکوں کے عوض منطور کی تھی۔
سائفر کیس میں ضمانتی مچلکے جمع ہونے کے بعد شاہ محمود قریشی کو آج اڈیالہ جیل سے رہا کیا جانا تھا۔
تاہم رہائی سے پہلے ہی ڈی سی راولپنڈی نے ان کی نظربندی کا حکم جاری کر دیا۔
