سعودی عرب کے دارالحکومت ریاض میں وزیراعظم کے معاون خصوصی جواد سہراب ملک کی اقوام متحدہ کی اقتصادی اور سماجی کونسل کی صدر حترمہ پاؤلا نارویز کے ساتھ ملاقات ہوئی جس میں بین الاقوامی نقل مکانی میں صنفی مساوات اور سماجی ذمہ داری کی اہمیت پر تبادلہ خیال کیا گیا ۔
ملاقات میں ایک ایسا ماحول بنانے کے لیے مشترکہ عزم پر زور دیا جو مساوات اور سماجی ذمہ داری کے اصولوں کو برقرار رکھے، خاص طور پر بین الاقوامی نقل مکانی کے تناظر میں یہ مشترکہ کوشش پاکستانی حکومت کے وژن کے ساتھ مطابقت رکھتی ہے تاکہ اس بات کو یقینی بنایا جا سکے کہ بیرون ملک روزگار کے مواقع سب کے لیے قابل رسائی ہیں۔
پاؤلا نارویز نے ان اہم ایجنڈوں کو آگے بڑھانے میں جواد سہراب ملک کی سرشار کاوشوں کو سراہا۔
