سعودی ولی عہد کی کویت کے سابق امیر شیخ نواف الاحمد الصباح کے انتقال پر تعزیت

سعودی ولی عہد اور وزیراعظم شہزادہ محمد بن سلمان نے اتوار کو کویت کے نئے امیر سے شیخ نواف الاحمد الجابر الصباح کے انتقال پر اظہار تعزیت کیا ہے۔

 شاہ سلمان بن عبدالعزیز کی ہدایت پر ولی عہد شہزادہ محمد بن سلمان امیر کویت شیخ نواف الاحمد الجابر الصباح کے انتقال پر اظہار تعزیت کے لیے کویت روانہ ہوئے تھے۔

الاخباریہ اورایس پی اے کے مطابق امیر کویت شیخ مشعل الاحمد الصباح نے سعودی ولی عہد کا خیرمقدم کیا۔

یاد رہے کہ امیر کویت شیخ نواف الاحمد الجابر الصباح سنیچر کو 86 برس کی عمر میں انتقال کرگئے تھے۔ انہیں اتوار کو سپرد خاک کر دیا گیا۔

اتوار کو مسجد الحرام مکہ مکرمہ اور مسجد نبوی مدینہ منورہ میں ان کی غائبانہ نماز جنازہ ادا کی گئی تھی۔