نئی دہلی۔۔۔۔ہندوستانی فوج کے سربراہ وپن راوت نے کہا ہے کہ اب خواتین کو بھی جنگوں میں حصہ لینے کی اجازت دیدی جائیگی۔ شروع میں خواتین کوملٹری پولیس کیلئے بھرتی کیا جائے گا۔ واضح رہے کہ اس وقت فوج میں خواتین طبی، قانونی ، تعلیمی، سگنلز اور انجینیئرنگ ونگ میں کام کررہی ہیں۔آرمی چیف نے کہا کہ میں چاہتی ہوں کہ ہماری خواتین بھی فوج میں جوانوں کی طرح نظر آئیں۔ابتدا میں انہیں ملٹری پولیس کے جوان کے طور پر شامل کیا جائے گااور اس معاملے پر حکومت سے رابطہ جاری ہے تاہم ہم نے بھرتی کا عمل شروع کردیا ہے۔ خواتین کو لڑاکا کردار کے چیلنج کیلئے جرأت کا مظاہرہ کرنا ہوگا۔
