31 ٹن امدادی سامان لے کر 24 واں طیارہ غزہ کے لیے روانہ
جمعرات 30 نومبر 2023 11:16
’عوامی عطیات مہم کے تحت غزہ کے لیے امدادی سامان کی ترسیل جاری ہے‘ ( فوٹو: سبق)
غزہ کے لیے جاری عوامی عطیات مہم کے تحت سعودی عرب سے 24 واں طیارہ روانہ ہوگیا ہے۔
سبق ویب سائٹ کے مطابق ریاض سے مصر کے ابو عریش ایئرپورٹ کے لیے روانہ ہونے والے طیارے میں 31 ٹن سامان موجود ہے۔
انتظامیہ نے کہا ہے کہ ’طیارے میں غذائی اشیا کے علاوہ، طبی سامان، کمبل، خیمے اور سلیپنگ پیگز موجود ہیں‘۔
واضح رہے کہ خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کی ہدایت پر عوامی عطیات مہم جاری ہے۔
اسی اثنا میں سعودی عرب کی جانب سے غزہ کے لیے فضائی امدادی کارروائیوں کے ساتھ ساتھ سمندری ذریعے سے بھی ضروری اشیا کی ترسیل شروع کردی گئی ہے۔
کنگ سلمان سینٹر برائے انسانی امداد کی جانب سے غزہ کے متاثرین کو ضروری اشیا کی فوری ترسیل کے لیے سمندری مہم کا بھی آغاز کردیا گیا۔
مکہ مکرمہ گرم ترین علاقہ، مدینہ منورہ میں غبارNode ID: 815976
مرکز بحر ابو سکینہ میں خالص پہاڑی شہد کا میلہNode ID: 815981
