انڈین ریاست منی پور کے ایک علیحدگی پسند مسلح گروپ نے تقریباً چھ دہائیوں بعد ملک کی مرکزی اور ریاستی حکومتوں کے ساتھ امن معاہدہ کرکے مسلح جدوجہد کو خیرباد کہہ دیا ہے۔
بدھ کو انڈیا کے وزیر داخلہ امِت شاہ نے سوشل میڈیا پلیٹ فارم ’ایکس‘ پر ایک پوسٹ میں مسلح علیحدگی پسند گروہ ’یونائیٹڈ نیشنل لبریشن فرنٹ‘ کے ساتھ امن معاہدے کی تصدیق کی ہے۔
مزید پڑھیں
-
انڈیا کی ریاست گجرات میں آسمانی بجلی گرنے سے 24 افراد ہلاکNode ID: 815171 -
-
انہوں نے اپنی پوسٹ کے ساتھ کچھ تصاویر اور ویڈیو بھی شیئر کی جس میں علیحدگی پسند گروہ کے جنگجوؤں کو ہتھیار ڈالتے ہوئے دیکھا جا سکتا ہے۔
امِت شاہ نے لکھا کہ ’یہ وزیراعظم نریندر مودی کے ویژن کی بڑی کامیابی ہے جس کے تحت ترقی آئے گی اور شمال مشرقی انڈیا کے نوجوانوں کا مستقبل بہتر ہوگا۔‘
اس سے قبل منی پور کے وزیرِاعلیٰ این بیرن سنگھ نے علیحدگی پسند گروہ سے ہونے والی بات چیت کی تصدیق کی تھی۔
’یونائیٹڈ نیشنل لبریشن فرنٹ‘ کے جنگجو تقریباً چھ دہائیوں سے انڈیا کے خلاف گوریلا کارروائیوں میں ملوث رہے ہیں اور منی پور کے انڈیا میں ضم ہونے کے مخالف تھے۔
The peace agreement signed today with the UNLF by the Government of India and the Government of Manipur marks the end of a six-decade-long armed movement.
It is a landmark achievement in realising PM @narendramodi Ji's vision of all-inclusive development and providing a better… pic.twitter.com/P2TUyfNqq1
— Amit Shah (@AmitShah) November 29, 2023
