شاہ بحرین کی طیارہ اڑانے کی ٹریننگ لینے کی ویڈیو وائرل

بحرین کے فرمانروا شاہ حمد بن عیسیٰ آل خلیفہ کی طیارہ اڑانے کی ٹریننگ لیتے ہوئے ویڈیو سوشل میڈیا پر وائرل ہو رہی ہے۔ 

اس حوالے سے بحرینی فرمانروا نے اپنے آفیشل ایکس اکاؤنٹ پر ویڈیو بھی جاری کی۔ جس میں دیکھا جاسکتا ہے کہ وہ کیپٹن صلاح السعیدی سے طیارہ اڑانے کی ٹریننگ حاصل کر رہے ہیں۔ 

بحرین کی سرکاری خبررساں ایجنسی کے مطابق شاہ بحرین ویک اینڈ کو کسی نہ کسی اچھے مشغلے میں لگاتے ہیں۔

طیارہ اڑانا ان کا پسندیدہ مشغلہ ہے اور وہ ہوابازی سے دلچسپی رکھنے والوں کی حوصلہ افزائی کرتے رہتے ہیں۔ 

واضح رہے کہ شاہ حمد بن عیسیٰ بحرین کی مسلح افواج کے سپریم کمانڈر بھی ہیں۔ 

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں