جدہ کے فلیٹ میں لگی آگ پر قابو پا لیا گیا، تین افراد زخمی

سعودی عرب میں جدہ کےعلاقے الصفا میں ایک فلیٹ میں لگنے والی آگ پر قابو پالیا گیا۔ تین افراد جھلس گئے۔

محکمہ شہری دفاع نے آفیشل ایکس اکاونٹ پر بیان میں کہا کہ’ آگ لگنے سے تین افراد زخمی ہوئے جنہیں طبی امداد کےلیے ہسپتال منتقل کیا گیا‘۔

محکمہ شہری دفاع کا کہنا ہے کہ ’تمام گھروں اور اداروں میں دھوئیں سے خبردار کرنے والے آلات لگائیں تاکہ قبل از وقت بڑے خطرے سے بچا جاسکے‘۔