سعودی شہری نے سیلابی ریلے میں پھنسے خاندان کو بچا لیا

سعودی عرب کے باحہ ریجن کی المخواۃ کمشنری میں ایک سعودی شہری نے سیلاب میں پھنسے خاندان کو بچالیا۔ 

العربیہ نیٹ کے مطابق مقامی شہری ہیوی لوڈر وہیکل لے کر سیلاب میں محصور خاندان کی کار کے قریب پہنچا اورخاندان کو محفوظ مقام تک پہنچایا۔ 

سعودی شہری نے ہیوی لوڈرکو کار کے آگے کھڑا کردیا تاکہ گاڑی کو سیلابی ریلے میں بہنے سے روکا جاسکے۔ 

مقامی خاندان کو سیلاب سے بچانے کی ویڈیو سوشل میڈیا پر وائرل ہے۔ 

 خاندان کے تمام افراد محفوظ جگہ منتقل ہونے پر سعودی شہری کو دعائیں دیتے سنے جاسکتے ہیں۔ 

 سعودی شہری دفاع نے متنبہ کیا ہے کہ ’سیلاب کے دوران گھاٹی یا وادی عبور کرنا خلاف قانون ہے اس پر دس ہزار ریال کا جرمانہ ہے‘۔

شہری دفاع کا کہنا ہے ’سیلابی ریلے، وادیوں یا جھیلوں میں تیراکی کا شوق نہ کیا جائے خصوصا بارش کے دوران اس سے گریز کیا جائے‘۔