زائرین اپنے جوتے مخصوص مقام پر رکھیں، ادارہ حرمین 

حرمین شریفین انتظامیہ نے زائرین سے کہا ہے کہ وہ مسجد الحرام کی پاکیزگی اورصفائی کا خیال رکھیں۔ حرمین میں زائرین اپنے جوتے مخصوص شو ریک میں رکھنے کا اہتمام کریں۔ 

سبق ویب سائٹ کے مطابق حرمین شریفین کی نگہداشت پر مامور ادارے نے اپنے اکاؤنٹ ایکس پر کہا ہے کہ مسجد الحرام کے دروازوں اور راہداریوں میں شو ریک موجود ہیں۔

 ہر شو ریک پر نمبر درج ہیں تاکہ زائرین کو متعلقہ شو ریک تک رسائی میں مشکل پیش نہ آئے۔ 

ادارے نے امید ظاہر کی ہے کہ سب لوگ جوتے مقررہ جگہوں پر ہی رکھنے کا اہتمام کریں۔ شو ریک کا نمبر یاد رکھیں گے وہاں  جوتوں کے علاوہ کوئی دوسرا سامان نہ رکھیں ۔