برطانوی پولیس نے لوگوں کو خبردار کیا ہے کہ وہ راہ چلتے موبائل فون پر بات چیت کرنے کی عادت ترک کریں اور ایسی جگہ پر جو سنسنان ہو بطور خاص احتیاط برتیں۔ پولیس کا کہنا ہے کہ شہر میں بہت سارے لٹےرے موٹر سائےکل پر سوار ہو کر ادھر اُدھر آتے جاتے رہتے ہیں اور اپنا شکار ڈھونڈتے ہیں ۔ یہ لوگ آناً فاناً راہ چلتے شخص کے پاس پہنچتے ہیں اور موبائل پر جھپٹا مار کر لے بھاگتے ہیں ۔ اعداد و شمار کے مطابق برطانیہ میں سالانہ 50ہزار جرائم ایسے چور اور لٹیرے انجام دےتے ہیں جو موٹر سائےکلوں پر سوار ہوتے ہیں اور چہرے بھی چھپا رکھتے ہیں ۔خیال کیا جاتا ہے کہ ان لٹیروں کی فی گھنٹہ آمدنی 2ہزار پونڈ کے لگ بھگ ہوتی ہے ۔ صورتحال وبائی شکل اختےار کرتی جا رہی ہے ۔ اس لئے قانون نافذ کرنےوالے اداروں کے ساتھ ساتھ پبلک کو بھی اپنی حفاظت پر توجہ دینی چاہئے ۔
