عسکری یونیفارمز کی غیرقانونی فروخت میں ملوث بنگالی گرفتار
جمعرات 21 ستمبر 2023 17:50
ملزم کی گاڑی سے بڑی تعداد میں عسکری عہدے کے بیجز بھی برآمد ہوئے(فوٹو، ٹوئٹر)
ریاض گورنریٹ کی سیکیورٹی ٹیم نے غیرقانونی طریقے سے عسکری یونیفارم اور بیجز فروخت کرنے میں ملوث مقیم بنگلہ دیشی کو گرفتار کرلیا۔
سعودی خبررساں ادارے ’ایس پی اے‘ کے مطابق سیکیورٹی ٹیم نے شک کی بنیاد پرایک غیرملکی کی گاڑی کی تلاشی لی جس سےبڑی تعداد میں عسکری یونیفارمز اورمختلف عہدوں کے بیجز برآمد ہوئے ۔
واضح رہے ریاض گورنریٹ کے سیکیورٹی اہلکار گورنر شہزادہ فیصل بن بندر بن عبدالعزیز کی ہدایت پر ان دنوں غیر قانونی سرگرمیوں کا سراغ لگانے اور انہیں ختم کرنے کے لیے جگہ جگہ چھاپے مارے جا رہے ہیں۔
تفتیشی مہم میں لیبر آفس ریاض، پولیس، میونسپلٹی، محکمہ پاسپورٹ، وزارت نیشنل گارڈز اور ریاستی سلامتی کے ادارے کے نمائندے شامل ہیں۔
