شہزادہ خالد بن سلمان سے صنعا سے آنے والے وفد کی ملاقات

سعودی وزیر دفاع شہزادہ خالد بن سلمان بن عبد العزیز سے صنعا سے آنے والے وفد نے ملاقات کی ہے۔

سعودی پریس ایجنسی کے مطابق یمن میں دائمی امن کے لیے صنعا سے ایک وفد ریاض آیا ہوا ہے۔

شہزادہ خالد بن سلمان نے وفد کو یقین دلایا ہے کہ سعودی عرب یمن میں امن و استحکام کے علاوہ بحران کے سیاسی حل کا پر زور داعی ہے۔

شہزادہ خالد بن سلمان نے کہا ہے کہ ’یمن کے تمام فریق ایک ٹیبل پر بیٹھ کر یمنی عوام کی خواہشات کے مطابق مسئلے کا حل تلاش کریں‘۔

ملاقات میں یمن میں سعودی سفیر محمد بن سعید آل جابر اور وزیر دفاع کے دفتر کے سربراہ ہشام بن عبد العزیز بن سیف بھی موجود تھے۔