کنگ سلمان اکیڈمی فار عربک لینگویج کی جانب سے یوٹیوب پر عربی کورسز
سعودی عرب کی ثقافت کو بھی اجاگرکیا گیا ہے(فوٹو، ٹوئٹر)
شاہ سلمان عالمی مرکز برائے عربی زبان کی جانب سے یوٹیوب پرعربی سیکھانے کےلیے خصوصی پروگرام لانچ کردیا گیا۔
سعودی خبررساں ایجنسی ’ایس پی اے‘ کے مطابق غیرعرب افراد کوعربی زبان سیکھانے کے لیے ’کنگ سلمان کلوبل اکیڈمی فارعربک لینگویج‘ کی جانب سے شارٹ کورسز کرانے کے لیے خصوصی اہتمام کیا جارہا ہے۔
مرکز کی جانب سے روزمرہ امور میں استعمال ہونے والے عربی کے جملے آسان طریقے سے سیکھانے کے لیے مختلف گریڈ کے پروگرام ترتیب دیئے گئے ہیں۔
’العربیہ للعالم‘ کے عنوان سے یوٹیوب پرلانچ کیے گئے چینل میں 100 سے زائد شارٹ کورسسز متعارف کرائے گئے ہیں جن کے ذریعے غیرعربی دان طبقہ باسانی عربی زبان سیکھ سکتے ہیں۔
کورسز کی تیاری عربی زبان کے ماہرین کے تعاون سے کی گئی ہے۔ جبکہ کورس کو پیش کرنے کے لیے بھی غیرروایتی طریقے کو اپنایا گیا ہے تاکہ عربی زبان سے ناواقف افراد کوکسی قسم کی دشواری کا سامنا نہ کرنا پڑے۔
چینل میں سعودی عرب کی ثقافت سے بھی لوگوں کو متعارف کرایا جائے گا جس کےلیے خصوصی پروگرام مرتب کیے گئے ہیں۔
