ٹریفک قوانین کی خلاف ورزی پر 459 موٹر سائیکلیں ضبط

محکمہ ٹریفک نے کہا ہے کہ ٹریفک قوانین کی خلاف ورزی پر 459 موٹر سائیکلیں ضبط ہوئی ہیں۔

سبق ویب سائٹ کے مطابق ملک کے مختلف شہروں میں خلاف ورزی کی مرتکب موٹر سائیکلوں کے خلاف کارروائی 27 اگست سے دو ستمبر تک ہوئی ہے۔

محکمہ ٹریفک نے کہاہے کہ ’ٹریفک اہلکاروں کو واضح ہدایت ہے کہ قوانین کی خلا ف ورزی پر موٹر سائیکل کو ضبط کیا جائے گا‘۔

محکمے نے کہا ہے کہ ’جو ٹریفک قوانین گاڑیوں پر لاگو ہوتے ہیں وہی قوانین موٹر سائیکل پر بھی لاگو ہیں‘۔

’موٹر سائیکل چلانے کے خواہشمندوں کو چاہئے کہ وہ گاڑی کے کاغذات، نمبر پلیٹ، لائسنس اور دیگر ضوابط کی پابندی کریں‘۔