سعودی نرس ہسپتال میں اپنی خدمات پر تعریفی کلمات سن کر آبدیدہ

سعودی عرب کے علاقے حفر الباطن کے ہسپتال میں سعودی نرس اپنی خدمات پر تعریفی کلمات سن کر آبدیدہ ہوگئی۔ اس کی ویڈیو سوشل میڈیا پر وائرل ہے۔ 

العربیہ چینل کے مطابق ویڈیو کلپ  میں دیکھا جاسکتا ہے حفر الباطن کے ہسپتال میں سعودی نرس روابی بن صالح العنزی  نے جب سپیکر پر اپنے لیے تعریفی کلمات سنے تو خوشی میں رونے لگی۔

 انتطامیہ کی جانب سے ہسپتال کے سپیکر پر کہا گیا کہ ’امراض قلب کے انتہائی نگہداشت کے شعبے میں مریضوں کی خدمت پر مامور سعودی نرس کے شکر گزار ہیں جہنوں نے مریضوں کی دیکھ بھال کی۔ ہمارا فرض ہے کہ بہترین خدامت فراہم کرنے پر نرس کا شکریہ ادا کیا جائے اور عزت افزائی کی جائے‘۔

انتظامیہ نے اس خواہش کا اظہار کیا کہ’ وہ مزید ترقی کریں اور حسن کارکردگی کی شاہراہ پر گامزن رہیں‘۔ 

تعریفی کلمات سن کر سعودی نرس جو ہسپتال کے ایک کوریڈور میں کھڑی تھیں اپنے جذبات پر قابو نہیں رکھ سکیں۔ وہاں موجود ان کے ساتھیوں نے بھی خوشی کا اظہار کیا۔