سعودی قیادت کی طرف سے ترکیہ کے صدر کو تہنیتی مکتوب

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے ترکیہ کے صدر رجب طیب اردوغان کو یوم فتح کی مناسبت مبارکباد پیش کی ہے۔

سعودی پریس ایجنسی کے مطابق سعودی قیادت نے ترکیہ کے صدر کو تہنیتی مکتوب روانہ کئے ہیں۔

شاہ سلمان نے اپنے مکتوب کہا ہے کہ ’یوم فتح کے موقع پر ہم ترکیہ کی حکومت اور عوام کے مزید ترقی اور کامرانی کی امید رکھتے ہیں‘۔

اسی طرح ولی عہد نے ترکیہ کے صدر کو روانہ کئے جانے والے مکتوب میں نیک جذبات کا اظہار کیا ہے۔