سعودی عرب کے جازان ریجن کے ایک پرائمری سکول میں نئے طلبہ کا منفرد انداز سے استقبال کیا گیا۔ اس کی وڈیو سوشل میڈیا پر وائرل ہے۔
العربیہ چینل کے مطابق ویڈیو میں دیکھا جاسکتا ہے نئے طلبہ اعزازی راہداری سے اساتذہ کے ہمراہ گزر رہے ہیں جبکہ سینیئر طلبہ تالیاں بجا کر ان کا خیر مقدم اور پتیاں نچھاور کررہے ہیں۔
سوشل میڈیا پر صارفین نئے طلبہ کے خیر مقدم کے اس نئے انداز پر پسندیدگی کا اظہار کررہے ہیں۔
صارفین کا کہنا ہے کہ ’یہ منفرد انداز ’خوبصورت، خوبصورت، خوبصورت‘ ہے‘۔
