جدہ پورٹ پر پیسٹری کے ڈبوں میں چھپائی گئی نشہ آور گولیاں ضبط
سمگلنگ کے جرائم کی معلومات فراہم کرنے والوں کو نقد انعام دیا جائے گا۔ فوٹو عرب نیوز
جدہ پورٹ کسٹمز نے پیسٹری (بقلاوہ) کے ڈبوں میں سمگل کی گئی کیپٹاگون گولیوں کی بڑی مقدار ضبط کرنے کر کے دو افراد کو گرفتار کر لیا ہے۔
عرب نیوز کے مطابق 22 لاکھ کیپٹاگون گولیوں کو بڑی مہارت سے خاص قسم کی مٹھائی (بقلاوہ) پیسٹری کی ٹرے کے نیچے چھپایا گیا تھا۔
سعودی کسٹمز حکام نے کہا ہے کہ مملکت کی درآمدات اور برآمدات پر کسٹمز کنٹرول کی سخت چوکسی برقرار رکھتے ہوئے سمگلروں کی ہر قسم کی کوششوں کو ناکام بناتے رہیں گے۔
سعودی جنرل ڈائریکٹوریٹ فار نارکوٹکس کنٹرول نے واضح کیا ہے کہ سمگلنگ کے جرائم کے بارے میں معلومات فراہم کرنے والوں کو نقد انعام دیا جائے گا۔
