سعودی عرب میں غیرملکی سفارتخانوں کی سیکیورٹی پر مامور سعودی خواتین کی ویڈیو سوشل میڈیا پر وائرل ہے۔
محکمہ امن عامہ کے ٹوئٹر اکاونٹ پر شیئر کی جانے والی ویڈیو میں دیکھا جاسکتا ہے کہ سعودی خواتین اہلکارسفارتخانوں کے اطراف تعینات ہیں اور وائرلیس کے ذریعے رابطے کررہی ہیں۔
وڈیو میں سعودی خواتین اہلکاروں کے فیلڈ آپریشنز کو اجاگر کیا گیا ہے سفارتکارتی عملے کے ساتھ وہاں آنے والی شخصیات کی رہنمائی اور سیکیورٹی کے فرائض نبھا رہی ہیں۔
یاد رہے کہ سعودی عرب میں ڈپلومیٹک سیکیورٹی کا ادارہ وزرات داخلہ کے ماتحت ہے۔
ڈپلومیٹک سیکیورٹی کا ادارہ تمام سفارتِکاروں، سعودی عرب میں غیرملکی سفارتخانوں، قونصلیٹس اور بیرون مملکت سعودی سفارتخانوں اور قونصلیٹس کو سیکیورٹی فراہم کراتا ہے۔
