اسلام آباد ...پانامہ کیس کی تحقیقات کرنے والی جے آئی ٹی نے وزیراعظم نواز شریف کو طلب کرنے کا فیصلہ کیا ہے۔ نوازشریف کو سوالات نوٹس کے ہمراہ بھیجیں جائیں گے۔ جے آئی ٹی کے سامنے پیش ہونے کے لئے کہا جائے گا ۔ دریں اثناءجے آئی ٹی پر حسین نواز کے اعتراضات کے حوالے سے سماعت 29 مئی کو ہوگی۔حسین نواز نے جے آئی ٹی کے 2 ارکان بلال رسول اور عامر عزیز کی شمولیت پر اعتراض اٹھائے تھے۔ درخواست میں کہا گیا ہے کہ ان دونوں کی سیاسی جماعت سے وابستگی ہے ۔ خدشہ ہے یہ کیس میں غیرجانبدار نہیں رہیں گے۔سپریم کورٹ کے خصوصی بنچ نے متفقہ طور پر درخواست سماعت کے لئے منظور کر لی۔
