نواب شاہ میں دو بسوں میں تصادم، خاتون سمیت 5 ہلاک، 50 زخمی

پاکستان کے صوبہ سندھ کے ضلع نواب شاہ میں دو مسافر بسوں میں تصادم سے پانچ افراد ہلاک اور 45 زخمی ہو گئے ہیں۔

پاکستان کے سرکاری ٹیلی ویژن کے مطابق نواب شاہ کے قریب مہران ہائی وے پر جلبانی کے قریب مسافر بس مخالف سمت سے آنے والی دوسری مسافر بس سے ٹکرا گئی۔

ہلاک افراد میں ایک خاتون بھی شامل ہے۔ ریسکیو اہکاروں نے زخمیوں کو پیپلز میڈیکل ہسپتال منتقل کیا۔

حکام کے مطابق ہسپتال میں ایمرجنسی نافذ کر دی گئی۔

حادثے کا شکار ہونے والی مسافر بس کراچی سے رحیم یار خان اور دوسری خیبر پختونخوا سے کراچی جا رہی تھی۔