سری لنکا کے مشرقی ضلعے امپارا کے جنگلات سے ہاتھی اکثر خوراک کی تلاش میں شہر میں قائم کچرا کنڈی کا رخ کرتے ہیں۔ گذشتہ کچھ عرصے کے دوران کچرے کے ڈھیر سے پلاسٹک کھانے کے باعث ہاتھیوں کی ہلاکت کے واقعات بھی پیش آ چکے ہیں۔ اب سری لنکا کی حکومت نے ’سنگل یوز‘ پلاسٹک کے استعمال پر پابندی عائد کرنے کا اقدام اٹھایا ہے جو ماحول کو آلودگی سے صاف رکھنے کے ساتھ ساتھ ہاتھیوں کے تحفظ کے لیے بھی مددگار ثابت ہو گا۔ مزید دیکھیے اے ایف پی کی اس ڈیجیٹل رپورٹ میں
