اسلام آباد... پانامہ کیس میں جے آئی ٹی نے وزیراعظم نوازشریف سے تفتیش کے لئے سوالات تیارکر لئے۔ اجلاس میں وزیراعظم سے تفتیش کیلئے سوالات قومی اسمبلی میں ان کی تقاریر اور وزیراعظم کے بچوں کے بیانات کی بنیاد پر مرتب کئے گئے۔ حدیبیہ پیپر ملز کیس اور اسحاق ڈار کا اعترافی بیان بھی سوالات کا حصہ ہوں گے۔مشترکہ تحقیقاتی ٹیم نے ابتدائی رپورٹ کو حتمی شکل دے دی ۔ پہلی پیش رفت رپورٹ پیر کو سپریم کورٹ میں جمع کرا ئی جائے گی۔جے آئی ٹی نے سابق چیئرمین نیب منیرحفیظ کے ساتھ بھی نشست رکھی ان سے حدیبیہ پیپز ملز کی تحقیقات سے متعلق سوالات کئے ۔ ذرائع کے مطابق وزیراعظم کو طلب کرنے سے متعلق فیصلہ 22 مئی کو سپریم کورٹ میں ہونے والی سماعت میں کیا جائے گا۔ قطری شہزادے کو بھی طلب کرنے کا فیصلہ کر لیا گیا۔
