مکہ میں 50 خاندانوں کے مکانوں کے کرایوں کی ادائیگی

حکومتی خیراتی ادارے احسان نے کہاہے کہ مکہ مکرمہ میں 50 مستحق خاندانوں کے مکانوں کا کرایہ ادا کردیا گیا ہے۔

سبق ویب سائٹ کے مطابق احسان نے کہا ہے کہ ’یہ کام شرائع میں البر خیراتی کمیٹی کے تعاون سے کیا گیا ہے‘۔

’کمیٹی نے مستحق خاندانوں کے گھروں کا سروے کیا تھا، ان کے حالات سے واقفیت حاصل کی تھی اور اپنی سفارشات سے احسان کو آگاہ کردیا تھا‘۔

احسان نے کہا ہے کہ ’مذکورہ خاندانوں کے معاملات پر غور کرنے کے بعد ان کے گھروں کا کرایہ ادا کرنے کا فیصلہ کیا گیا ہے‘۔

دوسری جانب البر کمیٹی نے احسان کا شکریہ ادا کرتے ہوئے عطیات جمع کرنے والوں کے لیے دعائے خیر کی ہے۔