سعودی عرب کے کئی علاقوں میں منگل سے بارش کا امکان

سعودی عرب میں موسمیات کے قومی مرکز کا کہنا ہے کہ ’مملکت کے مختلف علاقوں میں منگل سے موسم میں غیرمتوقع تبدیلی کا امکان ہے‘۔ 

سبق نیوز کے مطابق قومی مرکز نے بیان میں کہا کہ’ ملنے والی رپورٹوں کے مطابق منگل سے مملکت کے بعض علاقوں میں بارش کا قوی امکان ہے‘۔

بیان میں عسیر، جازان، الباحہ، مکہ مکرمہ کے علاوہ مدینہ منورہ، حائل ، قصیم، ریاض، مشرقی ریجن اورشمالی حدود کے علاقوں میں بارش کا سلسلہ رواں ہفتے کے اختتام تک جاری رہنے کا امکان ظاہر کیا گیا ہے۔