عرب ممالک میں عیدالاضحی 28 جون کومتوقع
18 جون کو ذوالحجہ کا چاند دکھائی دینے کا امکان ہے(فوٹو، ٹوئٹر)
خلیجی ماہرین فلکیات کا کہنا ہے کہ سعودی عرب ، امارات ومتعدد عرب ممالک میں ذوالحجہ کا چاند 18 جون کودیکھا جاسکے گا۔ عیدالاضحی 28 جون کو متوقع ہے۔
سبق نیوز نے خلیجی ماہرین فلکیات کے حوالے سے مزید کہا ہے کہ علم فلکیات کے حساب سے 19 جون کو ذوالحجہ کی یکم تاریخ ہوگی جبکہ حج کا رکن اعظم وقوف عرفہ بروز منگل 27 جون اوربروز بدھ عیدالاضحی 28 جون کو ہونے کا امکان ہے۔
واضح رہے مملکت میں سال ہجری کے قمری مہینوں کا تعین رویت ہلال کے ذریعے کیا جاتا ہے۔ چاند دیکھے جانے کی شہادتیں موصول ہونے کے بعد چاند دیکھنے والے اس امر کی گواہی عدالت عظمی کودیتے ہیں جس کے بعد سرکاری سطح پرچاند دیکھے جانے کا اعلان کیاجاتاہے۔
