عسیرریجن کے عقبہ شعار میں حادثہ تین افراد زخمی

شمالی ابہا میں واقع ’شعار’ درے میں دو ٹرکوں کے درمیانے آمنے سامنے سے تصادم کے باعث 3 افراد زخمی ہوگئے۔ 

سبق ویب سائٹ کے مطابق شعار درہ 4 ماہ کے لیے بند کیے جانے سے قبل دو ٹرکوں میں آمنے سامنے سے ٹکر ہوگئی۔ دو زخمیوں کی مرہم پٹی موقع پر ہی کردی گئی جبکہ تیسرے کو ابتدائی امداد کے بعد ہسپتال میں داخل کردیا گیا۔ 

عینی شاہدین کا کہنا ہے کہ ٹرک چڑھائی سے اترتے وقت ٹریک سے اتر گیا تھا۔ جس کی وجہ سے ڈرائیور ٹرک پرقابو نہیں پاسکا تھا۔ 

محکمہ شہری دفاع، محکمہ ٹریفک اورمتعلقہ اداروں کے اہلکاروں نے ٹریفک حادثے کے حوالے سے ضروری کارروائی کی۔ فوری طور پر شعار درہ بند کردیا گیا اور گاڑیوں کو متبادل راستے استعمال کرنے کی ہدایت کردی گئی۔