ریاض میں ناکارہ گاڑیوں کے مرکز (تشلیح) میں لگنے والی آگ پر قابو پالیا گیا 

سعودی عرب میں ریاض ریجن کے الحائر تشلیح میں بدھ کو لگنے والی آگ پر شہری دفاع کی ٹیموں نے قابو پالیا۔ کوئی جانی نقصان نہیں ہوا۔ 

واضح رہے کہ مملکت میں تشلیح ناکارہ گاڑیوں کے مرکز کو کہا جاتا ہے۔ 

شہری دفاع نے ٹوئٹر پر بیان میں کہا کہ’ الحائر تشلیح میں آگ لگنے کی اطلاع پر فائر بریگیڈ کی ٹمیں فوری طور پر پہنچ گئیں‘۔

’ناکارہ گاڑیوں کے مرکز میں آگ پر قابو پانے کے بعد کولنگ کی کارروائی کی جارہی ہے‘۔ 

علاوہ ازیں ریاض کے لبن محلے میں کھڑی ایک گاڑی میں آگ لگ گئی جسے شہری دفاع کی ٹمیوں نے موقع پر پہنچ کر بجھا دیا۔