سعودی قیادت کی طرف امیر کویت کو تعزیتی پیغام

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے امیر کویت شیخ نواف الاحمد الجابر الصباح کو شیخ محمد صباح صباح سعود الصباح کی وفات پر تعزیتی پیغام روانہ کئے ہیں۔

سعودی پریس ایجنسی کے مطابق سعودی قیادت نے امیر کویت سے افسوس کا اظہار کیا ہے۔

سعودی قیادت نے امیر کویت کو روانہ کئے گئے مکتوب میں کہا ہے کہ ’ہمیں شیخ محمد  کی وفات کی المناک خبر ملی ہے۔‘

’اس غم میں ہم آپ کے برابر کے شریک ہیں اور لواحقین سے اظہار تعزیت کرتے ہیں۔‘

سعودی قیادت نے متوفی کے درجات کی بلندی، مغفرت اور جنت میں اعلیٰ مقام کی دعا کی ہے۔