شاہ سلمان بن عبدالعزیز ریاض سے جدہ پہنچ گئے

سعودی عرب کے شاہ سلمان بن عبدالعزیز رمضان کے آغاز سے قبل بدھ کو ریاض سے جدہ پہنچ گئے۔

سرکاری خبر رساں ایجنسی ایس پی اے کے مطابق جدہ کے کنگ عبدالعزیز ایئرپورٹ پر مکہ مکرمہ کے نائب گورنر شہزادہ بدر بن سلطان بن عبدالعزیز نے ان کا خیر مقدم کیا۔

شاہ سلمان بن عبدالعزیز کے ہمراہ شاہی شخصیات اورعہدیدار بھی پہنچے ہیں۔

قبل ازیں شاہ سلمان بن عبدالعزیز بدھ کو ریاض سے جدہ کے لیے روانہ ہوئے تھے۔