مسجد الحرام میں اعتکاف کے لیے رجسٹریشن کا آغاز کل سے

حرمین شریفین انتظامیہ نے مسجد الحرام میں اعتکاف کے لیے رجسٹریشن کا اعلان کردیا ہے۔

سبق ویب سائٹ کے مطابق اعتکاف میں بیٹھنے والے کل جمعرات سے اپنا اندراج کراسکتے ہیں۔

انتظامیہ نے کہاہے کہ ’نسک ایپ میں اعتکاف کے لیے رجسٹریشن ہوگی‘۔

انتظامیہ نے کہا ہے کہ ’رجسٹریشن کا اختتام تعداد مکمل ہونے پر ہوگا لہذا خواہشمند پہلی فرصت میں اپنا اندراج کرالیں‘۔