Sorry, you need to enable JavaScript to visit this website.
بدھ ، 23 جولائی ، 2025 | Wednesday , July   23, 2025
بدھ ، 23 جولائی ، 2025 | Wednesday , July   23, 2025
تازہ ترین

مسجد الحرام میں رمضان میں 40 ملین لٹر آب زمزم  تقسیم کیا جائے گا

آب زمزم کی تقسیم کے لیے ایک ہزار 423 اہلکار تعینات کیے گئے ہیں (فوٹو: ٹوئٹر حرمین شریفین)
سعودی عرب میں حرمین شریفین انتظامیہ نے رمضان کے دوران مسجد الحرام کے زائرین میں آب زمزم تقسیم کرنے کا انتظام کیا ہے اور40 ملین لٹر سے زیادہ  آب زمزم  تقسیم کیا جائے گا۔
سرکاری خبر رساں ایجنسی ایس پی اے کے مطبق مسجد الحرام میں سقیا زمزم ادارے کے انچارچ عبدالرحمٰن الزھرانی نے بتایا کہ ’مسجد الحرام میں تمام مقامات پر آب زمزم تقسیم کرنے کے لیے 30 ہزار کولرز کا انتظام کیا گیا ہے۔‘
’اسی طرح مسجد الحرام کے داخلی اور خارجی صحنوں میں سنگ مرمر کی سبیلوں سے بھی آب زمزم حاصل کیا جا سکے گا۔‘
انہوں نے کہا کہ آب زمزم کی تقسیم کو منظم اور معیاری بنانے کے لیے ایک ہزار 423 اہلکار تعینات کیے گئے ہیں۔ روبوٹ ٹیکنالوجی اور سمارٹ ٹرالیوں کے ذریعے بھی زمزم تقسیم کیا جا رہا ہے۔‘
مسجد الحرام میں زیادہ سے زیادہ زائرین کو آسانی سے زمزم فراہم کرنے کے لیے 80 سمارٹ ٹرالیوں کا انتظام ہے۔ مطاف میں آب زمزم کی بوتلیں تقسیم کی جائیں گی۔
وعظ کی مجالس، سیمینار اور علمی اسباق کے دوران بھی آب زمزم کی سہولت میسر ہو گی۔
سقیا زمزم ادارے کے انچارج کا کہنا ہے کہ ’مسجدا لحرام میں تمام مقامات پر آب زمزم کی تقسیم کے عمل کو منظم رکھنے کے لیے 24 گھنٹے نگرانی کا بھی انتظام کیا گیا ہے۔‘
 

شیئر: