پلمبرنگ کے سامان میں نشہ آور گولیوں کی بڑی کھیپ ضبط

ادارہ انسداد منشیات نے پلمبرنگ کے سامان میں چھپائی جانے والی نشہ آور گولیوں کی بڑی کھیپ سمگل کرنے کی کوشش ناکام کردی ہے۔

سبق ویب سائٹ کے مطابق محکمہ انسداد منشیات نے کہا ہے کہ ’سامان کی کھیپ سے 46 لاکھ 93 ہزار نشہ آور گولیاں برآمد ہوئی ہیں‘۔

ادارے نے کہا ہے کہ ’مذکورہ کھیپ جدہ اسلامی بندر گاہ کے ذریعہ ملک میں داخل کرنے  کی کوشش کی جارہی تھی‘۔

ادارے نے کہا ہے کہ ’پلمبرنگ کے سامان کی کھیپ وصول کرنےو الے شخص کو گرفتار کرلیا گیا ہے‘۔

’وہ اردن سے تعلق رکھنے والا غیر ملکی ہے جس کے ساتھ تفتیش جاری ہے‘۔