حیدری پر حملے کی مذمت

مکہ مکرمہ (جاوید راہو)جمعیت علمائے اسلام کے مرکزی جنرل سیکریٹری اور ڈپٹی چیئرمین سینیٹ مولانا عبدالغفور حیدری اور ان کے قافلے پر خودکش حملہ نہایت بزدلانہ کارروائی ہے. یہ بات حافظ عبدالرزاق واسو، شیخ عدیل پیرزادہ اور حافظ عبداللہ بزنجو نے کہی۔ انہوں نے کہا کہ پاکستان سے تمام مسلح افراد اور تنظیموں کو غیر مسلح کرنا ہوگا۔ ایسی کارروائیاں ملک اور اسلام کے دشمنان ہی کرسکتے ہیں۔ اس کارروائی میں بیرونی عناصر کار فرما ہوسکتے ہیں۔ امن و امان کے ادارے علماءاور عوام کے تحفظ کو یقینی بنانے کیلئے موثر اقدامات کریں۔