راولپنڈی ... آرمی چیف جنرل قمر جاوید باجوہ نے ہفتہ کو لائن آف کنٹرول پر نکیال سیکٹر کا دورہ کیا۔ کورکمانڈر راولپنڈی لیفٹیننٹ جنرل ندیم رضا بھی ہمراہ تھے۔ آئی ایس پی آر کے مطابق جنرل باجوہ کو لائن آف کنٹرول کی صورتحال پر بریفنگ دی گئی۔ آرمی چیف نے جوانوں سے ملاقات کی اور آپریشنل تیاریوں پر اظہار اطمینان کیا۔ انہوں نے لائن آف کنٹرول پر ہندوستانی فائرنگ کا موثر جواب دینے اور جوانوں کے بلند جذبے کو سراہا۔ آرمی چیف بنوں میں آپریشن کے دوران شہید ہونے والے لیفٹیننٹ خاور کے گھر بھی گئے۔
